صباح الخير

انهاردة هقدملكو اول مشاركة في قسم المطبخ

هي عبارة عن عشاء صيامي خفيف ولذيذ

عبارة عن

شوربة خضاار بالزنجبيل (طريقتها سهلة اوي )

وفطيرة التفاح اللذيذة (تنفع برضة في الفطار مع الشاي)

يلا نبدأ



الأول شوربة الخضار






المكونات : -

بصلة متوسطة + حبة طماطم متوسطة

حبتين كوسة + حبتين بطاطس

3 حبات جزر + كيس خضار مشكلة (بسلة + فاصوليا)

قطعة قرنبيط (اذا متوافر)

عودين بقدونس مفرومين للتزيين

معلقة صغير زنجبيل مطحون

نصف معلقة صغيرة كركم + ملح
((طبعا اذا ما عندك البهارات دي ممكن نحط بدالها مكعب ماجي بالخضار "صيامي"))

الطريقة: -

نقطع كل المكونات مربعات صغيرة ونحطهم في كوبين ماء مغلي ع النار ونهدي
النار خالص ونغطي الحلة (عشان يحتفظوا بالفوائد والطعم) بعدين نضيف
البهارات ونغطي ... تقريبا وقت السوا بياخد 20 دقيقة

وبالهنا والشفا مع نصف ليمونة


يلا نيجي للحلو ....

فطيرة التفاح





المكونات

4 حبات تفاح مقشر ومسلوق مع نصف كوب سكر ومنزوع البزر ومصفى من الماء

2 كوب دقيق + ربع كوب زيت

معلقة صغيرة سكر + معلقة كبيرة خميرة فورية

نصف معلقة صغيرة ملح

الطريقة :

نعجن المقادير (الدقيق والزيت مع ماء دافي والخميرة)

تترك للتخمير حوالي ساعة

بعدين نجيب صينية ونفرد فيها نصف العجينة ونفرد عليها التفاح المسلوق

وبعدين نجيب النصف التاني من العجينة ونشكلة زي ما احنا عايزين فوق الوش

وتدخل الفرن على حرارة 180 درجة.. تقريبا بتاخد اقل من ساعة في الفرن